Part II – NAHIUSA SA DIOS DIHA SA ESPIRITU – Ang Dios Eternal, Imortal ug Dili Makita

By: Janice J.C. and E.R.Y. Olayvar

ANG DIOS ETERNAL, IMORTAL UG DILI MAKITA

Isip Dios, anaa Kaniya ang Kinaiya  isip Labaw nga Makagagahum “Omnipotence”, ang Iyang pagka-anaa sa tanang espirituhanong dapit “Omnipresence”, ug ang Iyang kahibalo sa tanang butang “Omniscience”.

Isip ESPIRITU ang Dios eternal, imortal ug dili makita (1 Timothy 1:17).

Ang Dios DILI tawhanon. (Numbers 23:19) Ug ang mga butang espirituhanon dili masabtan sa tawhanong hunahuna, gawas lamamg sa Espiritu usab sa Dios (1 Corinthians 2:11-14), ug ang natural nga tawo (tawo nga adunay tawhanong panghunahuna) dli makadawat sa mga butang anaa sa Dios tungod kay kini kinahanglan man nga masabtan diha sa espiritu.

Tungod sa paningkamot sa tawo sa pagsabot sa mga butang espirituhanon sa Dios pina-agi sa iyang tawhanong huna-huna, namugna ang nagkalain-lain nga mga doktrina ug tinuho-an sa nagkalain-lain nga mga grupo sa pagtuo. Nagmugna usab ang nagkalain-lain nga dios. Ang mga christians, muslims, buddhist, ug nagkalain-lain pa nga mga tinuhu-an dli magkahiusa sa ilang mga gituhu-an sa Dios. Ug tungod niini, dili kalikayan ang panagbangi ug panag-away away sa matag relehiyon ngadto sa uban. Gani ang panag-away wala malikayi bisan paman sa mga nagtawag sa ilang mga kaugalingon nga Kristohanon.

Usa lamang ang hinungdan niini igsoon, ug mao ang paningkamot sa tawo sa pagsabot sa mga butang sa Dios ginamit ang iyang tawhanong panghuna-huna, kaalam o edukasyon. Kining tanan kawang lamang, tungod kay ang kamatuoran dili ma bali, nga ang Dios ESPIRITU ug masabot lamang siya pina-agi sa Espiritu usab sa Dios, nga gi ingon ni San Pablo, nga ma-anaa kang Ginoong Jesus, ug iyang gitawag ug “MIND OF CHRIST” o ang huna-huna ni Kristo.

Si Kristo mi ingon sa John 10:30, “I AND MY FATHER ARE ONE”, pasabot Niya, Ako ang ang Akong Amahan Usa Ra. Kini nagmantala sa pagkahiusa o PAGKAUSA ni Ginoong Jesukristo ngadto sa atong Langitnong Amahan. Ang Dios Amahan espiritu, ang kon si Ginoong Jesuskristo nahiusa sa Dios, kini nagpasabot nga ang Iyang pagpadagan sa iyang kalag o “soul” diin anaa ang iyang huna-huna, kabubut-on ug emosyon, espirituhanon, o nahiusa diha sa Espiritu sa Dios nga ma-anaa usab Kaniya. Ug niini nga pa-agi, ang huna-huna sa Dios ma-anaa na usab kaniya, busa ni ingon si Apostol Pablo, nga UNTA MAKABATON USAB KITA SA HUNA-HUNA NI KRISTO. Tungod kini kay ang huna-huna ni Kristo USA man ngadto sa huna-huna sa Dios.

Ang tawo nagkinahanglan ug dako nga kausaban diha sa iyang panghuna-huna, kon siya buot nga makasabot sa mga butang espirituhanon. Daghan ang nagbasa sa litra sa bibliya apan kawang alang kanila ang pagsabot sa mga espirituhanong pagpadayag sa Dios nga mao ang unod sa kamatuoran nga anaa likod sa litra sa pulong sa Dios.

Tataw nahisulat sa Balaang Kasulatan, ang natural nga tawo o ” the carnal man” dili gayud makadawat sa mga butang sa Espiritu.

ETERNAL. Kini nagpasabot nga ang Dios walay kinutuban, dili mausab, magpabilin hangtud sa hangtud.

IMORTAL. Kini nagpasabot nga ang Dios dli matun-as, masakit o mamatay. Siya walay pagka-gun ob, walay pagka-guba. Isip ESPIRITU ang Dios magpabilin nga tibuok ug dili mapikas hangtud sa hangtud.

INVISIBLE. Sama sa HANGIN nga dili makita apan mahibaloan nimo nga anaa kini, mao usab ang Dios isip ESPIRITU. Sama Siya sa hangin, nga dili makita apan mamatikdan o ma-amguhan nato nga anaa Siya.

– Pagasumpayan Pa –

January 25, 2017 (Bogo City, Cebu Philippines)