ANG GINGHARIAN SA DIOS (THE KINGDOM OF GOD)
Leaders’ Guide
PART 2
KINGDOM OF GOD and KINGDOM OF HEAVEN
(ANG GINGHARIAN SA DIOS ug ang GINGHARIAN SA LANGIT)
Written by: E.R.Y. Olayvar and Janice JC
Ato na nga nakat-onan nga ang KINGDOM OF GOD o Gingharian sa Dios mao ang “SPIRITUAL REIGN or AUTHORITY OF GOD”, o ang ESPIRITUHAONG PAG-MANDO ug AWTORIDAD SA DIOS diha sa Iyang Espirituhanong Gingharian (kay ang Dios espiritu man) (John 4:24) nga ania sulod kanato (Luke 17:21).
Si Ginoong Hesukristo, sa iyang pag-abot nagaingon sa Mark 1:15 “And saying, The time is fulfilled, and the kingdom of God is at hand: repent ye, and believe the gospel.” Niabot na ang panahon ug ang Gingharian sa Dios ania na, maghinolsol kamo arun kamo makabatun ug pagtoo sa maayong balita.
Pangutana: UNSA MAN ANG PASABOT NIINI?
Kini nagpasabot nga sa pag-abot sa Anak sa Tawo nga mao ang Anak sa Dios nga mao si Ginoong Hesukristo, niabot usab ang kapanahunan diin ang GINGHARIAN SA DIOS niabot na sa kinabuhi sa tawo arun pagluwas sa tawo gikan sa korapsyon sa unod nga maoy nagdala sa tawo ug sakit, kasakit ug kamatayon.
Arun ato kining masabtan mao kini ang kamatuoran igsoon:
Sa diha nga ang tawo kauban pa sa Dios diha sa “Garden of Eden” o Hardin sa Eden, ang tawo wala makaila ug sakit, kasakit ug kamatayon kay nahiusa man siya sa Dios nga eternal, immortal ug dili makita. Sa iyang pagka hiusa sa Dios, ang tawo wala nag kinahanglan mopatulo sa iyang singot arun makakaon kay ang iyang supply walay kinutoban kay mahimo man siya mokaon sa bisan unsa nga bunga sa kahoy sulod sa Garden of Eden, wala siya mag kinahanglan ug hinagiban arun pag protektar sa iyang kaugalingon kay nahiusa man siya sa Dios ug nagdala sa himaya sa Labing Makagagahum busa walay mananap mohilabot kaniya, ug nagpuyo siya sa maanindot nga pinuy-anan kauban ang Dios diha sa Gingharian sa Dios.
Apan sa diha nga natagak ang tawo gikan niini nga perpekto ug completo nga kahimtang kauban ang Dios, ang tawo gipagawas sa Hardin sa Eden ug didto iyang nasinati ang kasakit sa kinabuhi, sakit ug kamatayon. Busa ang sakit, kasakit ug kamatayon matagamtaman lamang diay sa tawo sa diha nga mahimulag siya sa Dios.
Ang pag gawas sa tawo gikan sa hardin sa Eden o Gingharian sa Dios, human siya mokaon sa bunga sa kahoy sa kahibalo sa maayo ug dautan (fruit of the tree of the knowledge of good and evil) simbolo sa iyang pagka himulag sa Dios, diin ang pamalaud ug pang-gobyerno sa Dios wala na mo operar sa iyang kinabuhi. Mao kini ang sinugdanan sa pag kinabuhi sa tawo isip tawhanon. Ang iyang kinabuhi iya na nga gipadagan sumala sa iyang kaugalingon nga panghunahuna, pa-maagi, systema ug nahimo siya nga libod suroy sa gitawag nato ug kalibutan sa tawo ug dinhi iya na nga na sinatian ang sakit, kasakit tanan matang sa kalisud ug kamatayon, nga resulta lamang sa iyang pagka himulag sa Dios.
Sa Galatians 6:7-8 nasulat, “7 Be not deceived; God is not mocked: for whatsoever a man soweth, that shall he also reap. 8 For he that soweth to his flesh shall of the flesh reap corruption; but he that soweth to the Spirit shall of the Spirit reap life everlasting. “ Ayaw kamo pagpalingla, kay ang Dios dili nato mailad: Kon unsa man ang itanum sa tawo kini iya usab nga paga anihon. Siya nga nag tanum sa unod maga ani ug korupsyon (sakit, kasakit ug kamatayon) sa unod usab, apan siya nga nagtanum sa espiritu maga ani ug kinabuhing walay katapusan.
Sulod sa dugay ug hataas na nga panahon ang tawo nagpuyo nga wala na sa iyang kasinatian ang Gingharian sa Dios ug na puno na ang iyang kinabuhi sa atong gitawag ug mga TAWHANONG KASINATIAN, nga na puno sa pag paningkamot arun makakaon, kahadlok sa umaabot nga naghatag kaniya sa lain lain nga mga sakit ug kasakitan sa lawas, huna-huna ug kalag diin nisangpot kanunay sa iyang kamatayon.
Tungod sa grasya ug kalouy sa Dios, taliwala sa mga sakit ug kasakitan nga nahi-aguman sa tawo samtang kini nag kinabuhi gawas sa hardin sa Eden o gawas sa Gingharian sa Dios, gipadala sa Dios ang Iyang Bungtong Anak nga si Ginoong Jesurkristo arun pagluwas sa tawo ug pagsangyaw sa maayong balita sa Gingharian sa Dios, nga ni abot na sa tawo kauban sa pag-abot sa Anak sa Dios nga mao ang Anak sa Tawo nga si Ginoong Hesukristo.
John 3:16-17 “16 For God so loved the world, that he gave his only begotten Son, that whosoever believeth in him should not perish, but have everlasting life. 17 For God sent not his Son into the world to condemn the world; but that the world through him might be saved.” Tungod kay gihigugma sa Dios ang kalibutan, Iyang gihatag ang Iyang Bugtong Anak arun kon kinsa man gani ang makabaton ug pagtuo Kaniya dili malaglag apan makabaton ug kinabuhing walay katapusan. Tungod kay gipadala sa Dios ang Iyang Bugtong Anak dili arun pag panghimaraot sa kalibutan apan arun ang TIBUOK KALIBUTAN makabaton ug kaluwasan pinaagi Kaniya.
Kon ang pag-gawas sa tawo gikan sa hardin sa Eden o Gingharian sa Dios o ang iyang pagkahimulag gikan sa Dios mao ang bugtong hinungdan sa iyang sakit, kasakit ug kamatayon, UNSA MAN DIAY ANG SULBAD NIINI, arun ang sakit, kasakit ug kamatayon sa tawo mahanaw?
Ang tubag niini igsoon mao nga: Mahanaw lamang ang sakit, kasakit ug kamatayon nga natagamtaman sa tawo sa diha nga ang tawo MAHIUSA pagbalik sa Dios ug siya mahibalik pagpuyo diha sulod sa hardin sa Eden, nga mao ang Gingharian sa Dios.
Mao kini ang gipasabot ni Ginoong Jesus nga paghinulsol kamo kay ang Gingharian sa Dios ania na, pasabot nga kauban sa Iyang pag-abot dinhi sa kalibutan, o sa atong kinabuhi, kay Siya gipadala man nganhi sa Dios Amahan, ni abot usab ang kaluwasan sa tawo gikan sa sakit, kasakit ug kamatayon kay sa diha nga ang tawo mahi usa pagbalik diha kang Kristo nga nahi usa usab diha sa Dios, ang tanang sakit, kasakit ug kamatayon nga nasinatian sa tawo matapus na.
Pangutana: Kon ang sulbad sa sakit, kasakit ug kamatayon sa tawo mao ang iyang PAKIGHIUSA ni KRISTO nga USA usab sa Dios arun siya Maka PUYO balik sa Garden of Eden, unsa man diay buhaton sa tawo arun kini mahitabo sa iyang kinabuhi?
Tubag: Sa John 14:6 nag ingon si Ginoong Jesukristo, “I am the way, the truth, and the life: no man cometh unto the Father, but by me.” Ako ang agi-anan, kamatuoran ug kinabuhi, walay maka adto sa Amahan gawas lamang pina-agi kanako.
Kay si Ginoong Jesukristo nga Bungtong Anak sa Dios mao man ang gipadala sa Dios, Siya mao ang TUBAG ug solusyon sa tanan nga sakit, kasakit ug kamatayon nga nahi-aguman sa tawo, hinungdan Siya gitawag ug MANLULUWAS. Sa Luke 2:11 nasulat, “For unto you is born this day in the city of David a Saviour, which is Christ the Lord. “ Diha kaninyo natawo ang MANLULUWAS, nga mao si Kristo nga atong Ginoo.
Pinaagi sa Iyang Balaanong Kinabuhi ni Ginoong Jesukristo nga ania kanato, ang tawo makabaton ug kaluwasan sa kagubot, kasakit, kawad-on, sakit sa lawas, huna-huna, pag-bati sa kinabuhi ug bisan pa man gani sa kamatayon. Sa John 10:10 “I am come that they might have life, and that they might have it more abundantly. “ Ako ni abot arun makabaton kamo ug kinabuhi, kinabuhi nga madagayaon gayud.
Sa pagsulti ni Ginoong Jesukristo nga Siya ang “AGI-ANAN” wala siya nag pasabot ug literal o pisikal nga agi-anan sama sa dalan o tulay nga atong makita sa atong mga mata, kay si Ginoong Hesukristo espirituhanong tawo man, apan kini usa ka sambingay sa ESPIRITUHANONG KAMATUORAN o “Spiritual Truth” nga ang Iyang KINABUHI nga nanukad sa Kinabuhi sa Dios mao ang DALAN o AGI-ANAN padulong ngadto sa Amahan o balik ngadto sa Gingharian sa Dios. Sama pananglit: Ang tawo nga mo biyahe gikan sa Toledo City ngadto sa Cebu City mo latas siya sa mga dalan sa Sangi, agi sa National Highway, ngadto sa Minglanilla, Tabunok Talisay, Bulacao, Pardo, Cebu South Road ngadto na sa Cebu City.
Sa samang pa-agi, kon si Kristo Jesus mao ang DALAN o AGI-ANAN, nag pasabot kini nga walay maka sulod ngadto sa Gingharian sa Dios o ngadto sa Amahan kon dili molatas, mo agi, mo baybay sa KINABUHI ni GINOONG HESUKRISTO. Ug ang KINABUHI ni Ginoong Hesukristo mao ang kinabuhi sa ESPIRITU sa Dios nga mao usab ang kinabuhi sa Espirituhanon nga tawo nga gihimo sa Genesis 1:26 nga sama gayud sa dagway o imahe sa Dios.
Pangutana: Unsaon man pag lakaw sa tawo sa AGI-ANAN nga mao ang KINABUHI ni Ginoong Hesukristo ngadto sa Amahan?
Una sa tanan, sa Iyang pag-ingon, “Ako ang Agi-anan”, Iyang gipasabot nga ang Iyang espirituhanong kinabuhi nga mao ang Kinabuhi sa espirituhanong tawo nga gihimo gayud sa dagway ug imahe sa Dios nga espiritu usab, mao lamang ang bugtong DALAN pabalik ngadto sa Gingharian sa Dios nga mao ang kaluwasan sa tawo gikan sa sakit, kasakit ug kamatayon.
Angay nato nga masabtan nga walay lain nga dalan gihatag ang Dios ngadto balik kaniya gawas lamang ang kinabuhi ni Ginoong Jesukristo. Sumala pa sa John 14:6 “Jesus saith unto him, I am the way, the truth, and the life: no man cometh unto the Father, but by me.” Si Ginoong Hesukristo misulti sa pag-ingon, Ako ang dalan, kamatuoran ug kinabuhi: walay tawo nga maka anha sa Amahan gawas lamang pin-agi kanako.”
Daghan ang gusto mobalik ngadto sa Dios pinaagi sa ilang mga lantip nga kaalam ug lawom nga mga doktrina nga hinimo sa tawo, samtang ang uban gusto mo latay sa ilang mga kakugi sa gitawag ug buluhaton sa simbahan, kataas sa litanya sa ilang mga pag-ampo nga wala ang giya sa Balaang Espiritu, samtang anaa usab ang uban nga gusto mo agi sa ilang mga maanindot nga mga systema o di ba kaha sa ilang mga maanindot nga praise and worship service. Apan ang kamatuoran igsoon, kawang kining tanan kon ang KINABUHI ni Ginoong Hesukristo wala madayag sa atong mga buluhaton, sa atong doktrina, sistema o praise and worship. Dili ug dili gayud kita makasulod sa Gingharian sa Dios, kay sumala pa sa Balaang Kasulatan sa libro sa Genesis adunay anghel nga adunay espada nga duhay suwab nga nag bangtay sa ganghaan sa Garden of Eden.
Ang pag lakaw sa DALAN nga mao ang ESPIRITUHANONG KINABUHI ni Ginoong Hesukristo balik ngadto sa Dios, mao ang pag kinabuhi pinaagi sa mga lagda, sukaranan ug prinsipyo nga nagdumala sa kinabuhi ni Ginoong Jesukristo. Ang tawo maisip lamang nga naglakaw sa “AGI-ANAN” nga mao ang kinabuhi ni Ginoong Hesukristo kon ang iyang kinabuhi usab nagsubay sa mga espirituhanong prinsipyo nga nagdumala sa kinabuhi ni Ginoong Jesuskristo. Sama pananglit: Si Ginoong Jesus nagasulti, “Ako ug ang akong Amahan USA ra,” busa kon ang tawo himulag sa Dios wala siya nag lakaw diha sa Kinabuhi ni Ginoong Hesukristo. Sama usab sa Iyang giingon: “Ang akong kalan-on mao ang pagtuman sa kabubut-on sa napadala kanako,” “Ayaw kamo pagtigum ug bahandi dinhi sa kalibutan nga kotkoton lamang sa anay apan pagtigum kamo ug bahandi diha sa langit nga dili gayud matun-as ug modala kaninyo ngadto sa kinabuhing dayon.” Kini ug daghan pa nga mga prinsipyo sa Kinabuhi ni Ginoong Hesukristo diin kon kini mahimong kamatuoran diha sa atong kinasuloran maoy magdala sa atong kagawasan gikan sa sakit, kasakit ug kamatayon sa tawhonong pagkinabuhi.
Kini nga mga SPIRITUAL PRINCIPLES o espirituhanong prinsipyo sa kinabuhi sa Anak sa Dios dili mahimong kamatuoran diha sa atong kinabuhi kon dili kita MAHIUSA Kaniya nga maoy magdala sa atong PAGKA-HIUSA balik sa Dios kay ang KINABUHI ni Ginoong Hesukristo nga ania na kanato USA man sa Kinabuhi sa Dios. Mao kini siya ang unod sa sambingay sa Matthew 22:2 nga nag-ingon “The kingdom of heaven is like unto a certain king, which made a marriage for his son” diin pinaagi sa sambingay gisulti si Ginoong Hesukristo nga: Ang Gingharian sa Langit sama sa usa ka Hari nga nag-andam ug kasal alang sa iyang anak. Ang Hari mao ang Dios Amahan ug ang kasal, mao ang kasal sa Anak sa Dios nga mao si Kristo. Si Kristo mao ang kaslonon ug ang Iyang pangasaw-onon mao ikaw ug ako igsoon. Kada usa kanato gi imbetar sa atong Langitnong Amahan nga mo apil sa kasal sa Iyang Bugtong Anak nga mao si Kristo.
Ang kasal simbolo sa PANAGHIUSA sa mga kaslonon, nga niining bahina mao si Kristo ug ang matag usa kanato igsoon. Sa 1 Corinthians 1:9 nasulat “God is faithful, by whom ye were called unto the fellowship of his Son Jesus Christ our Lord. “ Ang Dios matinumanon nga NAGTAWAG kanato diha sa PAGKAHIUSA sa Iyang Bugtong Anak nga si Jesukristo nga atong Ginoo. Ang tanan gayud sa walay pagpili, GITAWAG diha sa PANAGHIUSA kang KRISTO diha sa ESPIRITU, dili arun madatu ug mahimong adunahan sa materyal nga mga butang, mahimong inila ug maghupot ug taas nga posesyon sa katilingban, taas ug edukasyon ug mahimong batid sa atong tagsa-tagsa nga propesyon, bisan pa man kong kabubut-on man sa Dios nga mag kinabuhi kita nga madagayaon gayud, apan kining mga butang igadugang lamang samtang atong gipangita ug nakaplagan ang Gingharian sa Dios. Matthew 6:33 “But seek ye first the kingdom of God, and his righteousness; and all these things shall be added unto you. “
Kon ang tawo mao pa ang hari sa iyang kinabuhi, nag-buot sa iyang mga buluhaton ug naga buhat sa iyang mga plano ug kagustohan sa kinabuhi nga wala ang giya, lamdag ug kabubut-on sa Dios, siya gi-isip pa nga naglakaw sa LAIN NGA AGI-ANAN nga mao ang AGI-ANAN SA TAWO ug ang sangputanan niini usa lamang: SAKIT, KASAKIT O KAMATAYON diin kini giingon nga mao ang KALAGLAGAN sa tawo.
Sa Matthew 7:13-14 naga ingon si Ginoong Jesus, “13 Enter ye in at the strait gate: for wide is the gate, and broad is the way, that leadeth to destruction, and many there be which go in thereat: 14 Because strait is the gate, and narrow is the way, which leadeth unto life, and few there be that find it. Sulod kamo sa agi-anan nga tarung ug hapsay kay ang agi-anan nga dako mosangpot ngadto sa kalaglagan ug daghan ang gusto mo agi niini, apan ang agi-anan nga tarung ug hapsay, hagip-ot ug nipis kaayo, apan kini mo sangpot ngadto sa kinabuhi, ug gamay ra ang naka kaplag niini.
Ang tawo nga nahimulag sa Dios daw sayon ang kinabuhi, sayon alang kaniya nga mopasakit sa iyang isig ka tawo kay wala man siya’y ka amguhan sa gugma sa Dios, siya mapahitas-on ug garboso kay wala man siya sa ka amguhan sa prinsipyo nga ang sangputanan sa garbo mao ang kalaglagan ug pagkapukan, dali siya maka pamintaha sa iyang isig kaingon kay wala man siya’s ka amguhan sa kamatuoran nga ang tanan nga iyang gitanum iyang paga anihon diin ang nag tanum ug kasuko, kalagot mo ani usab sa kasuko ug kalagot sa uban, siksik, liglig at umaapaw, ug tungod nii ang kinabuhi sa tawo puno sa sakit, kasakit ug kamatayon.
Tungod sa gugma ug kaluoy sa Dios sa kahimtang sa tawo, diin nadungog sa atong Langitnong Amahan ang atong mga agulo sa huna-huna ug kasing-kasing sa mga kapaitan nga atong nahiaguman tungod sa atong pagkahimulag kaniya diin Siya ang labaw nga nasayud nga ang tawo walay kapasidad sa pagluwas sa iyang kaugalingon Iyang gipadala ang Iyang Bugtong Anak nga si Ginoong Jesukristo arun makig-hiusa sa tawo pinaagi sa pag pas-an sa sentensya sa tanan gayud nga kasal-anan sa tanang katawhan sa kalibutan arun ang tawo makabaton ug kinabuhi diha sa espiritu pinaagi sa kinabuhi ni Kristo-Jesus diin ang tawo dili na hinukman sa balaod sa sala apan nakabaton ug KAGAWASAN pinaagi sa Balaod sa Espiritu sa Dios. Sa Romans 8:2 nasulat, “For the law of the Spirit of life in Christ Jesus hath made me free from the law of sin and death.”
Kini nga kaluwasan gikan sa sakit, kasakit ug tanan nga matang sa kuropsyon sa kinabuhi nga tawhonon nga mosangpot sa iyang kamatayon, dili ma kab-ot sa tawo pinaagi sa iyang kaugalingon nga kusog ug kina-adman apan pinaagi lamang sa GRASYA sa Dios. Sa Titus 3:5-6 nasulat, “Not by works of righteousness which we have done, but according to his mercy he saved us, by the washing of regeneration, and renewing of the Holy Ghost; 6 Which he shed on us abundantly through Jesus Christ our Saviour”. Dili pinaagi sa atong tawhanong pagkamatarung apan pinaagi sa grasya sa Dios Iya kitang giluwas pinaagi sa paghugas kanato nga nagdala ug kabag-ohan diha sa Espiritu sa Dios diin iyang gihatag kanato nga madagayaon gayud pinaagi ni Ginoong Hesukristo nga atong MANLULUWAS.
Ang pag patuman sa Dios sa Iyang “The SPIRITUAL REIGN or DIVINE AUTHORITY” nga mao ang Iyang gingharian diha sa kinabuhi sa tawo, ang tawo mo-agi sa duha ka estado. Ug kini nga mga estado na mantala sa gisulti ni Ginoong Hesukristo ngadto ni Pedro sa John 21:18 sa pag-ingon “Verily, verily, I say unto thee, When thou wast young, thou girdedst thyself, and walkedst whither thou wouldest: but when thou shalt be old, thou shalt stretch forth thy hands, and another shall gird thee, and carry thee whither thou wouldest not.” Ug niini pagasultihan ko ikaw, sa bata pa ikaw ang nag-andam sa imong kaugalingon ug nilakaw sa bisan asa ikaw gusto nga molakaw. Apan sa diha nga ikaw hamtong na, lain na ang nag-adam kanimo ug nagagiya kanimo kon asa ikaw paingon.
Ang pag patuman sa Dios sa Iyang “SPIRITUAL REIGN or DIVINE AUTHORITY” sa atong kinabuhi nga mao usab ang gi isip nga pag-abot sa Gingharian sa Dios sa kinabuhi sa tawo, mahitabo pinaagi sa duha ka hut-ong o estado sa kinabuhi sa tawo.
UNA: Sa BATA pa kita. Ang pulong “BATA” nag pasabot sa “STAGE OF IMMATURITY” o panahon sa atong kinabuhi nga bata pa ang atong kalag nga mao ang atong huna-huna o salabutan (mind), kabubut-on (will) ug pag-bati (emotion). Niini nga estado magbuot kita sa atong mga gimbuhaton ug desisyon nga walay lamdag ug giya sa Balaang Espiritu hinungdan nga daghan kita ug sayop o palpak nga mga desisyon. Mao kini ang estado sa kinabuhi sa tawo nga WALA PA MAKA SULOD SA GINGHARIAN SA DIOS.
Niini nga estado aduna na kita pag kaila sa Dios apan sa litra lamang ug dili ang uyok ug substansya sa Pulong sa Dios o sa Espiritu nga anaa sa Buhing Pulong sa Dios.
Sa Hebrews 5:12-13, gipasabot kini sa pag-ingon “For when for the time ye ought to be teachers, ye have need that one teach you again which be the first principles of the oracles of God; and are become such as have need of milk, and not of strong meat. 13 For every one that useth milk is unskilful in the word of righteousness: for he is a babe.”
Sa dihang angay na unta kamo mahimong magtutudlo nahitabo nga nag-kinahanglan pa man diay kamo tudloan sa mga prinsipyo sa Dios kay ang inyong gikinahanglan mao pa man ang gatas sa Pulong sa Dios kay dili paman ninyo ma kaon ang karne sa mga Pagtulon-an sa Dios. Kay siya nga nag kinahanglan pa sa gatas sa pulong sa Dios wala pay kasinatian sa pagkamatarung sa Dios nga anaa sa Iyang Pulong, tungod kay siya bata paman.
Daghan karun nga nag isip sa ilang kaugalingon nga mga magtutudlo sa pulong sa Dios, mga leader sa ilang simbahan o pundok bisan pa gani mga pastors o ministro sa ilang pundok nga ug basihan nato ang nasulat sa Pulong sa Dios sa Hebrews 5:12-13 dili pa angay sa ilang gi angkon nga katungdanan kay sila mga BATA pa ug wala paman silay kasinatian sa PAGKAMATARUNG sa Dios nga anaa sa Iyang Buhing Pulong. Tingali daghan na sila ug kasinatian sa ministry apan ang gikinahanglan sumala sa pulong sa Dios dili kasinatian sa evangelism, sa pag-wali, sa mga bulohaton sa simbahan, apa sa kasinatian sa PAGKAMATARUNG sa Dios
Sa 1 Corinthians 3:2-3 nasulat, “I have fed you with milk, and not with meat: for hitherto ye were not able to bear it, neither yet now are ye able. 3 For ye are yet carnal: for whereas there is among you envying, and strife, and divisions, are ye not carnal, and walk as men? ”. Ni ingon si Apostol Pablo ngadto sa mga Tag-Korinto: Ang akong gipakaon kaninyo GATAS ug dili KARNE, kay kon sa kani-adto wala kamo makasugakod niini, labaw na karun, kay tungod kamo mga KARNAL pa kaayo, diin anaa pa kaninyo ang pagka-masinahon, panag-away ug pagka bahin-bahin, dili ba diay kamo mga KARNAL nga nag lakaw man kamo ug nagkinabuhi nga sama man sa tawo ug dili sama sa Dios.
Tungod niini, si apostol Pedro adunay tambag kanila sa 1 Peter 2:2 2 sa pag-ingon, “As newborn babes, desire the sincere milk of the word, that ye may grow thereby”. Isip mga bag-ong natawo diha sa Gingharian sa Dios, panganduya ninyo ang TINUOD nga GATAS sa PULONG SA DIOS arun pinaagi niini makatubo kamo.
Ang Pangutana: UNSA MAN DIAY KINING TINUOD NGA GATAS SA PULONG SA DIOS?
Ang TINUOD nga GATAS sa PULONG SA DIOS igsoon mao ang litra por litra nga pagsabot sa Pulong sa Dios nga nasulat diha sa Balaang Kasulatan. Pasabot: BASAHON ang atong mga Bibliya sa maka daghan, balik balikon ang mga litra hangtud kini mabuhi diha sa atong kinasuloran. Sama sa usa ka BATA nga naga paningkamot sa pag sup-sup sa suso sa iyang inahan arun makakuha ug gatas niini arun siya mabuhi, mao usab kita sa atong PAGTUON sa Balaang Kasulatan isip mga leader ug tigdumala sa pundok nga gisangon sa Dios kanato, anaa gayud ang kakugi, kanunay nga pagbasa, pag-ukay, pagtuon sa Pulong sa Dios nga nahisulat sa Balaang Kasulatan.
Atong panig-ingnan si Haring David diin iyahang gisulat sa Psalm 1:1-3 sa pag-ingon, “Blessed is the man that walketh not in the counsel of the ungodly, nor standeth in the way of sinners, nor sitteth in the seat of the scornful. {ungodly: or, wicked} 2 But his delight is in the law of the LORD; and in his law doth he meditate day and night. 3 And he shall be like a tree planted by the rivers of water, that bringeth forth his fruit in his season; his leaf also shall not wither; and whatsoever he doeth shall prosper.” Malipayon ug bulahan ang tawo nga wala naglakaw sa sugyot sa mga wala makaila sa Diyos, o anaa nag barug sa agi-anan sa mga makasasala o anaa naglingkod sa lingkuranan sa mga mabiay-biayon, apan ang iyang kalipay anaa sa PAGPAMALANDONG sa balaod sa Dios ADLAW ug GABII. Ug mahisma siya sa kahoy nga gitanum sa kilid sa sapa, diin siya mamunga sa insaktong panahon ug ang iyang dahun dili gayud malaya ug unsa man gani ang iyang pagabuhaton kini magmalambu-on.
Nindot man ang mga prayer meeting, evangelism, ug nagkalain-lain nga mga kalihukan sa simbahan, apan isip mga leaders angay nato nga masabtan nga dili mga buluhaton lamang sa simbahan ug nga katungdanan sa gawas ang maka pa tubo kanato ug sa mga tawo nga atong gipang ministeryohan, gikan sa pagkabata ngadto sa pagka hamtong sa atong espirituhanong kinabuhi apan kon dili ang PAGKAON SA PURO ug TINUOD NGA GATAS sa PULONG SA DIOS. Pasabot, taas nga panahon diha sa mga pagbasa, pagtuon, pag-pamalandong sa Pulong sa Dios nga anaa sa Balaang Kasulatan hangtud nga kini mahimong buhi sa atong kinasuluran. Dili sa matag domingo lang magtuki sa Pulong sa Dios, kon dili ADLAW ug GABII, kada minuto ug matag higayon ang pagpangita nato sa atong kalan-onon nga mao ang TINAGONG MANNA o “HIDDEN MANNA” ug LANGITNONG PAN “HEAVENLY BREAD” sa Espiritu nga ang BUHING PULONG SA DIOS. Gikan sa pagbasa sa LITRA sa Pulong sa Dios ngadto nga mahimo na kini diha sa atong kinasuloran nga BUHING Pulong sa Dios!
IKADUHA: SA DIHA NGA HAMTONG NA KITA. Sa diha nga hamtong na kita sa atong kalag (huna-huna o panabot, pag-bati ug kabubut-on) lain na ang magdumala sa atong kinabuhi, lain na usab ang mag giya ug mag-buot asa kita padulong, dili na ang atong kaugalingon nga pag buot-buot, huna-huna ug pag-bati kon dili ang DIOS na. Mao kini ang estado diin kita mo sulod sa estado sa atong “MATURITY” o PAGKA HAMTONG na diha sa kalag ug espiritu diin si Apostol Pablo nagaingon sa Galatians 2:20 “I am crucified with Christ: nevertheless I live; yet not I, but Christ liveth in me: and the life which I now live in the flesh I live by the faith of the Son of God, who loved me, and gave himself for me.” Ako na lansang na kauban ni Kristo, bisan ako nabuhi, apan dili ako kon dili si Kristo na ang na buhi diri sulod kanako, ug ang ang kinabuhi sa unod ako na nga gikinabuhi sa pagtuo diha ni Kristo nga nahigugma kanako ug nagpakamatay alang sa akong kaluwasan.
Ang GINGHARIAN SA DIOS ug GINGHARIAN SA LANGIT
Sa dili pa kita mo padayon, adunay usa ka pangutana nga angay nato nga tubagon.
Pangutana: Ang Gingharian sa Dios ug ang Gingharian sa Langit managsama ba o managlahi?
Isip nga leader angay nga kita masayod ang ang pulong KINGDOM OF GOD ug KINGDOM OF HEAVEN (Gingharian sa Dios o Gingharian sa Langit), dili managlahi apan pareha ra. Kini nga termino nga atong mabasa diha lamang sa Bag-ong Tugon o New Testament sa Balaang Kasulatan. Dili kini nato makita o mabasa sa Daang Tugon o Old Testament.
Ang mensahe mahitungod sa Gingharian sa Dios o Gingharian sa Langit, nagsugod sa panahon ni Juan bautista diin atong mabasa sa Matthew 3:1-3 nga naga ingon “1 In those days came John the Baptist, preaching in the wilderness of Judaea, 2 And saying, Repent ye: for the kingdom of heaven is at hand. 3 For this is he that was spoken of by the prophet Esaias, saying, The voice of one crying in the wilderness, Prepare ye the way of the Lord, make his paths straight.” Si Juan bautista niabot niadtong higayona sa kamingawan sa Judea ug nag ingon: Paghinulsol kamo kay ang Gingharian sa Langit niabot na. Kay siya mao ang gipanagna ni propeta Isaias sa pag ingon: Ang tingog sa usa nga nag singgit sa kamingawan, arun pag andam sa dalan agianan sa Ginoo.
Ug sa dihang niabot na si Ginoong Jesukristo, siya nagaingon sa Mark 1:15 “And saying, The time is fulfilled, and the kingdom of God is at hand: repent ye, and believe the gospel.” Pasabot, niabot na ang panahon ug ang Gingharian sa Dios ania na, maghinolsol kamo arun kamo makabatun ug pagtoo sa maayong balita.
Ang pangutana: UNSA MAN ANG GINGHARIAN SA DIOS UG UNSA MAN USAB ANG GINGHARIAN SA LANGIT?
Sa ubang pagtulun-an gitudlo nga managlahi ang Kingdom of God ug Kingdom of Heaven. Matud pa kanila, nga ang Kingdom of God usa ka espiruhanon ug langitnon nga gingharian.
Ug sa lain nga bahin, sumala kanila ang Kingdom of Heaven mao ang temporaryo ug yutan-on nga Gingharian nga pagatukoron sa Dios dinhi sa kalibutan alang sa nga Hudeo nga hangtud karon nagpa-abot pa sa pag-abot sa mesias, arun ipatuman sa Dios ang iyang balaanong pagmando kauban sila sa gitawag nila ug “Millennial Reign of Christ” o usa ka libo ka tuig nga pagmando ni Ginoong Jesus sa tibuok kalibutan kauban ang mga Hodeo nga mga balaang tawo nga Iyang pinili.
Alan niini nga pagtulun-an, dili mahimo nga mahiusa ang Kingdom of God ug Kingdom of Heaven. Alang kanila managlahi kini siya.
Samtang ang uban usab nagatuo nga ang Kingdom of Heaven mao ang Gingharian sa Dios nga anaa sa kalangitan. Hinungdan maghulat pa sila nga mamatay sila arun sila makasulod sa Gingharian nga anaa sa kalangitan, diin adto sila mo puyo hangtud sa kahangturan nga mag awit sa mga alawiton sa Dios, ug mo tugtog sa nga harpa ug mag sayaw sayaw diha sa mga dalan nga puros bulawan.
Kini nga pagtulun-an nga nabuwag sa Kingdom of God ug Kingdom of Heaven isip manag lahi nga gingharian sa Dios, diin ang Kingdom of Heaven nahitabo sa panahon sa simbahan o Church Age ug ang Kingdom of God pagatukoron sa Millennial Age, walay basihanan sa Pulong sa Dios.
Ang kamatuoran, ang pulong Kingdom of God ug Kingdom of Heaven gi gamit sa Balaang Kasulatan sa susamang pama-agi. Pananglitan: Sa Sermon on the Mount si apostol Matthew naisulat sa pag-ingon: Matthew 5:3 “Blessed are the poor in spirit: for theirs is the kingdom of heaven.” Apan si apostol Lukas sa sama nga higayon ni-sulat sa pag-ingon, Luke 6:20 “And he lifted up his eyes on his disciples, and said, Blessed be ye poor: for yours is the kingdom of God.”
Si apostol Matthew ug apostol Lukas managsama nga gitudlu-an ni Ginoong Jesus diha sa Sermon on the Mount, apan sa pagsulat nila si Matthew nisulat sa pulong ni Ginoong Jesus ginamit ang pulong Kingdom of Heaven apan si apostol Lucas nigamit sa pulong Kingdom of God. Sa pag panudlo ni Ginoong Hesus sa Sermon on the Mount, usa lang ang Iyang gitudlo nga ginharian ug mao kini ang Gingharian sa Dios nga anaa sa langit. Sa pag gamit ni Matthew ug Kingdom of Heaven ug ni Lukas ug Kingdom of God, kini mahitungod sa usa ra ka Gingharian nga mao ang Gingharian sa Dios nga anaa sa langit, kay ang ilang gisulat nagagikan man sa managsama nga pagtulun-an sa Sermon on the Mount.
Sa samang paagi sa Matthew 11:12 si apostol Mateo naga ingon “12 And from the days of John the Baptist until now the kingdom of heaven suffereth violence, and the violent take it by force.” Apan si apostol Lukas sa Luke 16:16 nagaingon, “16 The law and the prophets were until John: since that time the kingdom of God is preached, and every man presseth into it.”
Bisan si Ginoong Jesus sa Iyang gisugo ang mga desipolo nag ingon sa Matthew 10:7-8 “And as ye go, preach, saying, The kingdom of heaven is at hand. 8 Heal the sick, cleanse the lepers, raise the dead, cast out devils: freely ye have received, freely give. ” Ug sa Luke 9:2 “And he sent them to preach the kingdom of God, and to heal the sick.”
Dinhi atong masabot nga ang pulong Kingdom of God ug Kingdom of Heaven usa ra ug susama lamang. Diin ang Kingdom of God nag pasabot sa autoridad sa Dios nga nagagikan sa iyang pagka-Dios, samtang ang Kingdom of Heaven nagpasabot sa hut-ong o realm diin nahimutang ang gingharian sa Dios, ug kini anaa sa langit. Sa ato pa ang sakto nga husay niining tanan mao kini: Ang GINGHARIAN SA DIOS NGA ANAA SA LANGIT.
Si propeta Daniel adunay nindot nga ilustrasyon niini sa pag ingon sa Daniel 2:44 “And in the days of these kings shall the God of heaven set up a kingdom, which shall never be destroyed: and the kingdom shall not be left to other people, but it shall break in pieces and consume all these kingdoms, and it shall stand forever.“ Ang Dios sa Langit magatukod ug GINGHARIAN, nga dili ma tumpag: Ug kini nga gingharian dili igabilin sa lain nga mga tawo apan kini mo buak buak ug mo lamoy sa tanan nga lain nga mga ginharian hangtud nga kini na lamang ang pagpabilin hangtud sa kahangturan nga walay katapusan.
Ang DIOS nga Amahan mag panalangin kanatong tanan.
- PAGA SUMPAYAN PA –
March 8, 2018. Bogo City-Toledo City, Cebu
“ 5 Not that we are sufficient of ourselves to think anything of ourselves; but our sufficiency is of God; 6 Who also hath made us able ministers of the new testament; not of the letter, but of the spirit: for the letter killeth, but the spirit giveth life.”
2 Corinthians 3:5-6
GOD BLESS!
_____________________________________________________________________
Everett & JanEvelyn Olayvar
FOR FREE MATERIALS WRITE TO:
EVERETT ROSENDO Y. OLAYVAR
Covenant Of Love Ministry
Toledo Christ Gospel Assembly
344-D. Macapagal Highway, Poblacion, Toledo City, Cebu
6010 Philippines
Email: eolayvar2001@gmail.com