By: Janice J.C. and E.R.Y. Olayvar
(An Adaptation from the booklet: “Created to Manifest Christ” by DES WALTER)
“ Ug miingon ang Dios,“Buhaton nato ang tawo sumala sa atong dagway, ingon nga sama kanato, ug magmando sila sa mga isda sa dagat, ug mga langgam sa kalangitan, ug sa mga kahayopan, ug sa tibuok nga yuta, ug sa tanan nga nagkamang sa ibabaw sa yuta.
Ug gibuhat sa Dios ang tawo sa iyang kaugalingong dagway, sa dagway sa Dios gibuhat niya sila, lalake ug babaye iyang gibuhat sila.”
(Genesis 1:26-27)
Ang Dios Espiritu ug ang iyang Kinaiya o character ug pagpanglihok ug kalihokan dili sama sa tawo. Sa samang pa-agi ang Hunahuna sa Dios dili sama sa huna-huna sa Dios. Ug ang makasabot lamang sa HUNAHUNA SA DIOS mao ang Espiritu sa Dios (1 Corinthians 2:11). Ug sa 1 Corinthians 2:14, Ang Balaang Kasulatan nagasulti kanato nga ang “Natural man” (eido-five senses man) “receiveth not the things of the Spirit of God: neither can he Mental-Moral man) know them, because they are spiritually discerned”, pasabot nga ang tawo nga anaay tawhanong pang huna-huna, nga gitawag ug natural nga tawo, dili gayud makadawat sa mga butang espirituhanon ug dili usab makasabot niini tungod kay kini kinahanglan man ug espirituhanong pagsabot.
Atong hinumduman nga kining tawo nga gihisgutan sa 1 Corinthians 2:11-14, dili mao ang tawo nga gibuhat sa Dios sa Genesis 1:26, nga ato nga nasayran nga mao ang Kristo sa Dios. Kinsa man diay kini ang “NATURAL MAN” o natural nga tawo nga gihisgutan sa Apostol Pablo ngadto sa mga Taga-Korinto, nga dili makadawat sa mga butang espirituhanon ug dili gayud makasabot niini?
Sumala sa Strong’s Concordance ang “NATURAL MAN” nga sa pinulongan nga Greego mao ang pulong “psuchikos” {psoo-khee-kos’} meaning “NATURAL”, ug “anthropos {anth’-ro-pos}” meaning “MAN”.
Ang pulong Greego nga “psuchikos” {psoo-khee-kos’} nagpasabot sa tawo nga nabuhi pina-agi sa iyang gininhawa (DILI SA GININHAWA SA DIOS NGA MAO ANG ESPIRITU), diin anaa ang iyang tawhanong pamatyag o “NATURAL SENSES” kauban ang kaibug ug tinguha nga tawhanon (SENSOUS DESIRES AND PASSIONS).
Ang pulong Greego usab nga “anthropos” {anth’-ro-pos} nagpasabot sa usa ka “HUMAN BEING” (Kon atong basahon ang Genesis 1:26-27, wala magbuhat ug tawo nga gitawag ug “human being”, kon dili usa ka “spirit being” kay ang tawo nga iyang gihimo sa Genesis 1:26-27, sama man sa Iyang dagway ug bayho, ug kay ang Dios Espiritu man, busa ang tawo nga Iyang gihimo sama usab Kaniya nga Espiritu ug dili makita, eternal ug immortal).
Ang Strong’s Concordance nipadayon sa pagsulti nga ang pulong “anthropos” {anth’-ro-pos} o “HUMAN BEING” nagpasabot sa usa ka tawo nga sahi sa Dios o kang Kristo, diin adunay kahuyangon ug kakulangon diin nagkinabuhi lamang kini sumala sa iyang KALAG o tawhanong huna-huna, emosyon ug kabubut-on ug sa iyang PISIKAL NGA LAWAS (DILI PINA-AGI SA ESPIRITUHANONG HUNA-HUNA, EMOSYON UG KABUBUT-ON SA DIOS)
Dinhi tataw nga atong masabot nga kini diay ang TAWO nga gihisgutan sa 1 Corinthians 2:11-14, nga dili gayud makadawat sa mga butang sa Espiritu sa Dios ug dili gayud makasabot niini, mao diay ang NATURAL nga TAWO.
Ang pagila sa Dios ug ang pagkadawat nato sa mga espirituhanong nga butang igsoon wala nag-agad sa atong natural nga edukasyon, grado o kina-adman kon dili ang atong PAGKAHIUSA sa DIOS diha sa ESPIRITU, tungod kay ang Espiritu lamang sa Dios ang makasabot usab sa Dios, ug ang anaa lamang espiruhanong pandungog ang makabati Kaniya, ug espirituhanong mga mata ang makakita Kaniya, espirituhanong huna-huna ang makasabot Kaniya, ug espirituhanong pagbati ang mahigugma Kaniya.
Iportante kini igsoon nga atong masabtan nga ang Huna-huna sa Dios dili managsama sa huna-huna nga tawhanon. Numbers 23:19, Ang Dios dili tawo (o tawhanon). Sa diha nga ang tawo mosulay sa paghubad sa mga sinulat sa Balaang Kasulatan gamit ang iyang natural ug tawhanong huna-huna, ang labing siguro niini igsoon mao nga iyaha kini nga pagahubaron sa tinawhanon usab. Ang huna-huna sa mga natural nga tawo, o gitawag nato nga karnal nga tawo o tawhanon ug panghuna-huna nagkalain lain lamang. Busa dili nato ikahibulong ngano nga managlain ang hubad ug interpretasyon sa nagkalain lain nga mga tawo sa Balaang Kasulatan. Ug tungod niinig nakalain lain nga mga hubad sa Balaang Kasulatan, sila manag-away ug manag debate hangtud nga sila maka sinumbagay.
Ang Hunahuna sa Dios dili sama sa tawhanong panghuna-huna. Pananglitan ang salabotan sa tawo nag-agad sa mga pisikal nga mga butang nga iyang makita, madungog, mabati, matilawan ug mahanggap sa iyang palibot o atong gitawag ug FIVE SENSES nga mao ang Sense of Touch, Sense of Smell, Sense of Taste, Sense of Sight and Sense of Hearing.
Sama pananglitan sa init nga kape o bugnaw nga tubig. Kon ikaw wala pa maka-tagamtam unsa ang lami sa init nga kapi ug bugnaw nga tubig, wala ikay salabotan unsa kini siya, maingon nato nga ignorante o innosente ikaw unsa ang lami, kolor ug baho sa init nga kapi o bugnaw nga tubig. Apan, sa dihang ikaw gitaga-an ug init nga kape o bugnaw nga tubig sa unang higayon, ug imo kini nga gitilawan, makabaton ikaw ug salabotan sa kolor, lami o baho sa init nga kape ug bugnaw nga tubig sa diha nga ang init nga nabati nimo sa imong dila o bugnaw man, diha sa kape o tubig, naghatag kanimo ug ideya nga mao diay kini ang lami, kolor o baho sa init nga kape ug bugnaw nga tubig.
Mao kini ang salabotan sa tawhanong panghunahuna, nagdepende kanunay ang iyang pagpanabot sa mga butang butang sa kinabuhi sa nagkausab-usab nga mga kondisyon sa iyang palibot, nga iyang ma-experyensyahan pina-agi sa lima (5) niya ka mga “Pamatyag” of FIVE SENSES, nga mao ang panan-aw pina agi sa mata, pamatyag pina agi sa panit, pandungog pina agi sa dalungan, pagpanimaho pina agi sa ilong, ug pagpanilaw pina agi sa dila.
Ang hunahuna sa Dios dili sama sa tawhanong panghunahuna. Wala kini mag agad sa pamatyag o SENSES, apan nag agad kini sa mga SPIRITULA PRINCIPLES nga maoy Iyang Kinaiya. Sama pananglit sa prinsipyo sa Zecharia 4:6 diin mi ingon ang Dios: “NOT BY MIGHT, NOT BY POWER, BUT BY MY SPIRIT SAYS THE LORD.”
Usa kini ka balaanong prinsipyo sa Gingharian sa Dios, diin ang Dios wala magapamuhat pina-agi sa tawhanong kusog ug gahum apan kon dili pinaagi lamang gayud sa Iyang Espiritu! Usahay ang tawhanong hunahuna mabuang sa pagsabot sa mga butang espirituhanon. Pananglitan, sa diha nga nakita sa Iyang mga disipolo nga si Ginoong Jesus wala pa makakaon, sila miduol kaniya arun pag-agda kaniya sa pagkaon. Apan sila gitubag ni Ginoong Jesus, sa pangingon: “Ang akong pagkaon mao ang pagbuhat sa kabubut-on sa Dios nga Akong Amahan.”
Niining puntuha ang mga desipolo ignorante pa sa kamatuoran nga si Ginoong Jesus wala maglakaw sa tawhanong panghunahuna, kon dili, nga bisan sa Iyang huna-huna ug kabubut-on, NAHIUSA Siya sa Dios Amahan. Tungod niini alang Kaniya ang pagkaon dili ang makaon nato sa talad kan-ana sama sa gi isip sa kadaghanan nga anaa pa sa tawhanong panghunahuna, sama sa pan, kan-on o sud-an, kon dili ang KABUBUT-ON sa Dios. Ang pagkaon alang kang Ginoong Jesuskristo, dili makita sa tawhanong mga mata, madungog sa tawhanong igdulongog, dili usab matilawan sa tawhanong dila, ug dili ma simhot sa tawhanong mga ilong, apan alang sa Anak sa Dios, ang Iyang pagkaon 0 SPIRITUAL FOOD, dili makita, eternal ug immortal nga mao ang KABUBUT-ON sa Dios Amahan. Ug matag panahon nabuhat niya ang kabubut-on sa Iyang Amahan, gi isip niya nga Siya nakakaon na.
Ang tawhanong hunahuna, tungod kay wala man nagapanglihok ilalum sa landong sa huna-huna sa Dios, ignorante kini sa mga butang sa Dios. Tungod tungod niini kini walay pagkasabot sa mga butang espirituhanon ug iyang gisabot ang mga pagpanghitabo sa iyang kinabuhi sumala lamang kon unsa man gani ang iyang nabatyagan sa iyang lawas pina-agi sa iyang FIVE SENSES. Ug kini, gamit ang iyang tawhanong interpretasyon mao na ang iyang tuho-an isip usa ka kamatu-oran, bisan kon kini nga pagtuo sayop ug sukwahi sa kamatuoran diha sa Dios.
Ang Balaang Kasulatan nagapanihumdum kanato nga kita isip katawhan sa Dios, nalaglag tungod sa kakulang sa kahibalo, pasabot igsoon, kakulang sa kahibalo sa nga butang diha sa Dios.
Ang tawhanong hunahuna usa ka hunahuna nga himulag sa Dios kay kini wala man mahiusa sa Hunahuna sa Dios. Dinhi atong masabot nga tungod kay ang huna-huna sa tawo wala man mahiusa sa hunahuna sa Dios, ang iyang salabotan nagahimo ug nagkalainlain nga mga ideya o consepto nga sumala lamang sa iyang mga pamatyag, nga walay kamaturoran diha sa pulong sa Dios.
Pananglitan: Ang tawo nagatu-o nga aron siya mabuhi, kinahanglan lamang nga siya maka-kaon sa mga pagkaong pisikal ug makita, sama sa pan, tubig, karne, isda ug uban pa. Tungod niini nga pagtuo ang tawo, nag hago sa iyang lawas sa pagpangita ug kwarta nga ikapalit ug pagakaon nga pisikal. Wala siya maka-amgo nga bisan kon siya adunay pisikal nga lawas ug pisikal nga nagkinahanglan ug pisikal usab nga pagka-on, adunay usab siya spiritual nga lawas nga anaa sulod kaniya ug dili makita nga nagkinahanglan usab ug spiritual nga pagkaon, nga nagagikan sa pulong sa Dios.
Dili man sayop ang pagpaningkamot , apan ang lun-lon nga pagpaningkamot alang lamang sa atong mga pisikal nga pagpanginahanglan sukwahi sa nahasulat sa Bibliya, tungod kay naga-ingon si Jesus, ang tawo dili mabuhi sa pan lamang apan sa matag pulong nga mogawas sa baba sa Dios. Dili man dautan ang pagpaningkamot apan kon importante sa atong pagpaningkamot sa pisikal, labing importante nga kita naningkamot usab mga makakaon sa atong espirituhanong pagkaon nga mao ang pulong sa Dios nga nigawas sa iyang baba. Kini nga PULONG SA DIOS mao ang mga espirituhanong prinsipyo nga atong mabasa sa Balaang Kasulatan, kauban sa bag-o ug presko nga mga pagpadayag, o Iyang mga pakig-sulti kanato, diha man sa atong pagbasa sa litra sa pulong, ug diha sa atong mga pag-amo ug pagpamalandong, bisan pa man gani diha sa Iyang hinay nga tingog nga nakigsulti kanato taliwas sa atong mga pagsulay ug mga sirkumstansya.
Ang Dios wala nagapanglihok sama sa tawo, gani si Jesus nagasulti kanato nga ang “DIOS ESPIRITU”. Wala Siya mo-ingon nga ang “DIOS USA KA ESPIRITU”, pasabot nga dili Siya makita sa atong pisikal nga mga mata, kon dili…. “SIYA ESPIRITU”, pasabot nga ang Dios anaa sa hut-ong o dapit nga dili pisikal ug natural. Dinhi ato nga masabot nga Siya nagapanglihok sa paagi nga dili sarang o lahi sa na-andan sa huna-huna sa tawo.
Pananglit, diha sa Dios lunlon kalipay, kalinaw ug gugma lamang busa ang kagubot ug pagdumot sa isig ka tawo, wala diha sa iyang presensya. Dili nato siya makita nga adunay mga reaksyon sa mga kondisyon o butang sa iyang palibot nga sama sa reaksyon sa tawo nga mortal. Ang salabotan sa tawhanong panghunahua, hilabihan nga nalubog sa kangitngit ug ka-paitan o kasakitan nga usahay makahunahuna na lamang kini sa paghunos sa iyang kinabuhi. Sabton nato nga kini nga mga butanga wala gayud nagagikan sa Dios, kon dili, bunga lamang sa ngit-ngit nga huna-huna nga tawhanon.
Ug atong sab-ton pag-ayo ang Genesis 1:26-27, ang tawo gibuhat nga sama gayod sa bayhon ug imahe sa Dios. Ang bayho ug imahe sa Dios mao ang Iyang kinaiya o pagka-Siya. Ang image ug bayhon sa Dios naglangkob sa kinatibuk-an Niyang gahom, presensya, autoridad ug pagka-Dios, ug gani sobra sobra pa sa masabtan sa tawo, kay gani ang tibuok uniberso dili man makasarang Kaniya, kay Siya walay kinutoban, walay kamatayon ug eternal, ug ang tanan nga kabuhatan nagagikan man Kaniya, bisan pa man ang kinabuhi sa tawo.
Ang TAWO nga iyang gihimo sa Genesis 1:26-27 mao ang nadayag nga gugma sa Dios. Diin sa tanan nga kabuhatan, sama sa mga mananap, kabukiran, kadagatan, kalang gaman, ka-isdaan bisan pa man ang adlaw ug mga bulan, ang TAWO lamang ang Iyang gibuhat nga sama gayud sa Iyang bayhon ug imahe.
Sa nauna na nga gisulat dinhi ato nga nasabtan nga ang TAWO nga gihimo sa Genesis 1:26-27, nga SAMA GAYUD SA BAYHO UG IMAHE SA DIOS, mao si KRISTO (2 Corinthians 4:4; Hebrews 1:3; Colossians 1:15).
Sa Ephesian 2:10, nasulat usab nga “GIHIMO KITA DIHA KANG KRISTO.” Nagpasabot kini nga pinaagi sa kinabuhi ni Kristo nahimo usab kita nga binuhat. Busa kon unsa si Kristo mao usab ang matag usa kanato dinhi niing kalibutan (1 John 4:17 17 Herein is our love made perfect, that we may have boldness in the day of judgment: because as he is, so are we in this world.)
Kon ang Dios Espiritu (John 4:24) ug si Kristo usab Espiritu kay gihimo man Siya sumala sa imahe ug bayho sa Dios (Genesis 1:26) kita usab nga gihimo diha kang Kristo, dili ba Espiritu usab (Ephesians 2:10).
Mao kini igsoon ang KAMATUORAN nga maoy pundasyon sa atong kinabuhi. Sa 1 Corinthians 3:10-11 nahisulat nga WALA nay lain pa nga pondasyon o FOUNDATION ang mahimo nga tukuron sa atong kinabuhi kon dili ang NATUKOD NA nga mao si KRISTO.
Ang pondasyon sa atong kinabuhi igsoon mao nga DIOS ESPIRITU, UG SI KRISTO GIBUHAT SUMALA SA BAYHO UG IMAHE SA DIOS BUSA ESPIRITU USAB, UG IKAW UG AKO IGSOON GIBUHAT DIHA KANG KRISTO, BUSA IKAW UG AKO IGSOON ESPIRITU USAB!
Colossians 1:27 “For this is the mystery: Christ is IN you, the hope of glory:” Pasabot, mao kini ang misteryo: Si Kristo ma-anaa kaninyo nga mao ang paglaum sa himaya sa Dios.
Sa diha nga ang atong mga SALABUTAN MA-ABLI sa kamatuoran nga kita gibuhat DIHA kang KRISTO, ug si Kristo gibuhat usab sumala gayud sa IMAHE ug BAYHO sa Dios, laktud pagkasulti, kita diay usab binuhat sumala sa imahe ug bayho sa Dios. Ug kini nga bayho o imahe mao ang pagka ESPIRITU sa Dios, nga naghimo kang KRISTO nga ESPIRITU usab, diin pinaagi kang KRISTO kita diay usab ESPIRITU ug dili tawo.
Ug niini nga kamatuoran igsoon, atong ma ambit ang padayag nga isip ESPIRITU nga nahiusa diha ni Kristo nga USA diha sa Dios, kita diay sa atong pagka espiritu, eternal usab, imortal ug dili makita.
Ug kon dili kita makita, kinsa man diay kini atong makita nga lawas? Ang tubag mao nga ang makita lamang kanato mao ang atong lawas. Ang atong sakuban o sudlanan. Sama ni Ginoong Jesus, ang iyang sakuban ginganlan ug Jesus, apan siya ang Kristo nga mao ang espiritu nga Anak sa Dios nga nagpuyo sa lawas nga gitawag ug Jesus.
Susama kanimo ug kanako igsoon, sa pagkatawo nato niini nga kalibutan sulod sa yutan-on nga lawas, gihatagan kita ug pangalan sa atong mga tawhanong ginikanan. Apan kini ngalan lamang sa atong tawhanong lawas, ug ang tinuod nga pagkakita dili makita nga nagpuyo sulod sa lawas, tungod kay isip espiritu dili man kita makita o INVISIBLE.
Isip espiritu, kita usab ETERNAL of walay katapusan. Mao nga bisan ko mamatay ang lawas, motaliwan lang ang atong espiritu ug magpabilin kita nga buhi diha sa Dios.
Isip espiritu, kita usab IMORTAL. Kini nagpasabot sa dili matun-as ug dili maguba nga kinabuhi sa Dios. Kini nga espirituhaong KINABUHI dili masakit ug walay kasakit.
Apan lagi, tungod sa daghan nga mga sayop sa pagtuo, ug kakulang sa espirituhaong kaalam, wala nato masayri ang dakong plano sa Dios diin ang kinaiya sa atong pagka espiritu nga ETERNAL, IMMORTAL ug INVISIBLE ma sinati unta usab sa atong mga tawhanong lawas, arun ang atong lawas dili na masakit ug mamatay ug ang atong kalag (SOUL) dili na makabati sa mga kasakitan, problema, kahasol sa huna-huna o mga depresyon.
Ang Dios ang nakigsulti kanimo karun igsoon. Gi-ablihan na alang kanimo ang gangha-an sa mga tinago nga butang sa Dios nga sa dugay na nga mga kapanahonan gitaguan apan karun gipadayag na pina-agi sa iyang Bugtong Anak. Anaa na kanimo kon imo kini nga dawaton o isalikway igsoon.
Ang Dios magapanalangin kanatong tanan.
– Pagasumpayan Pa –
February 7, 2017 (Bogo City, Cebu, Philippines)
Leave a Reply