By: Janice J.C. and E.R.Y. Olayvar
(An Adaptation from the booklet: “Created to Manifest Christ” by DES WALTER)
“God is a Spirit. And they that worships him must worship him in Spirit and Truth”
(John 4:24)
Una sa tanan, kinahanglan nga atong masabtan nga ang Dios ESPIRITO (Juan 4:24). Siya sama sa hangin nga dili makita, apan mahibalo-an nato nga anaa kini tungod sa pagpanglihok niini sa butang butang nga atong ma-obserbahan sa atong palibot. Sama pananglit sa paglihok sa mga dahun sa kahoy, pag-lupad sa mga papel ug ang ka bangis niini sa mga bagyo ug natural nga mga katalagman, sama sa pagka tumba sa mga kahoy, pagkaguba sa mga balay ug mga edipesyo tungod sa kusog nga pag-huros niini.
Mao usab ang Dios, dili Siya makita, apan anaa Siya, ug kini atong masinati sa Iyang pagpanglihok sa atong kinabuhi.
Ang pulong “Espiritu” naga-gikan sa pinulongan nga Englis “spirit” nga nagagikan usab sa pinulungan nga Latin nga “SPIRITUS “ nga nag kahulugan ug hangin sa gininhawa sa kinabuhi. Gigamit usab kini pagpasabot sa dili makita nga kinabuhi sa Dios o “LIFE FORCE” o “LIFE ENERGY”.
Sa pinulongan nga Latin, ang espiritu sa Dios gihubad sa duha ka pulong nga mao ang “spiritus” nga nagpasabot sa kinabuhi sa Dios ug “anima” nga nagpasabot sa kalag, diin gi-langkob niini ang iyang huna-huna (mind), kabubut-on (will) ug emosyon (emotion). Kini nagpasabot sa duha ka kinaiya o character sa ESPIRITU sa Dios, diin anaa ang “Espiritu” nga mao ang Iyang kinaiya sa pagka lalake ug ang “Kalag” nga mao ang Iyang kinaiya sa pagka babaye. Diha sa Dios ang “Espiritu” ug ang “Kalag” nahiusa o USA ra.
Sa pinulongan nga Greego diin mao ang gigamit sa Bag-ong Tugon o New Testament, ang espiritu sa Dios gihubad sa pulong nga “pneuma {pnyoo’-mah}”. Sa pinulongan nga Hebrohanon diin mao usab ang gigamit sa Daan nga Tugon o Old Testament sa Bibliya, ang espiritu sa Dios gihubad pina-agi sa pulong “ruwach {roo’-akh}”.
Ang pulong “pneuma {pnyoo’-mah}” sa Greego ug “ruwach {roo’-akh}” sa Hebrohanon, ug “spirit” sa Inglis, nag kahulagan ug”gininhawa, hangin o espiritu” o “gininhawa sa kinabuhi sa Dios ” nga maoy naghatag ug kinabuhi ug nagahimo sa tanang butang nga buhi ug makapanglihok.
Sa diha nga nga namulong ang Dios pina-agi ka apostol Juan nga ang Dios espiritu, sa John 4:24, ang gigamit nga pulong mao man ang “pneuma {pnyoo’-mah}”. Sumala sa Strong’s Concordance, ang ESPIRITU sa Dios, nga diin sa Greego mao ang pulong “pneuma {pnyoo’-mah}”, ug sa pinulongan nga Hebrohanon mao ang pulong “ruwach {roo’-akh} “, nga sa pinulongan nga Inglis “spirit”, nagpasabot nga mao ang “vital principal by which the body is animated” pasabot nga mao kini ang importanteng hinungdan ngano nga makapanglihok ang lawas. Gihubad usab kini isip “the soul possessed of the power of knowing, desiring, deciding, and acting”, pasabot sa kalad diini anaa ang huna-huna, kabubut-on ug emosyon.
Ang Dios “ESPIRITU”, ug nalangkob ug nahiusa niana Niya nga pagka espiritu ang “ESPIRITU” isip Niya hiyas nga lalake diin ang Dios mao ang naghatag sa kinabuhi , ug ang “KALAG”, isip hiyas niya nga babaye, diin anaa kagahum sa panghuna-huna (mind), kabubut-on (will) ug emosyon (emotion.)
Sahi kini sa atong nakat-onan sa kaniadto nga ang kalag sa tawo mao kanang mogawas sa iyang lawas human siya mamatay sa lawas daw multo. Dili igsoon, ang mogawas sa lawas sa tawo mao ang iyang ESPIRITU. Ug ang kinaiya sa espiritu, sama sa hiyas sa usa ka lalake ug usa ka babaye. Busa bisan kon motaliwan na ang espiritu sa tawo gikan sa iyang yutan-on nga lawas, magpabilin ang iyang huna-huna, kabubut-on ug kalag, tungod kay ang espiritu ug kalag, nga usahay ato ilangkob pagsulti nga “espiritu” nahiusa man o usa.
Diha usab sa pagka ESPIRITU sa Dios, nahiusa ang kinaiya sa lalake ug babaye. Ang Iyang kinaiya isip lalake mao ang atong gitawag ug “ESPIRITU” o “spirit” diin sa 1 Timothy 1:17, anaa ang iyang pagka “ETERNAL, IMMORTAL and INVISIBLE” o pagka-walay katapusan, dili matun-as ug dili-makita. Niini usab atong makita ang iyang pagka “OMNIPOTENT, OMNISCIENCE and OMNIPRESENT”, o pagka labing gamhanan, labaw nga ma-alamon ug pagka-anaa sa tanang dapit.
Ang Kalag nga nahiusa sa Espiritu, anaa ang kinaiya sa pagpanghuna-huna (mind), kabubut-on (will) ug emosyon (emotion). Ang Dios isip espiritu adunay balaanong pagpanghuna-huna o ka-alam o “DIVINE INTELLEGENCE” o “the MIND OF GOD” o “the MIND OF CHRIST”. Aduna usab kini manggiharion nga kabubut-on o “SOVEREIGN WILL” ug balaanong emosyon o “HOLY EMOTIONS”.
Ang DIVINE INTELLEGENCE ug SOVEREIGN WILL sa Dios o balaananong panghuna-huna ug manggihariong kabubut-on, atong makita sa iyang pagmugna sa tibuok kabuhatan, ug ang kataas sa Iyan ka-alam atong masaksihan sa mga gihimo sa Iyang mga kamot. Diha sa mga kahayopan sa dagat, yuta ug kahanginan, sa mga tanum sa dagat ug yuta bisan paman diha sa kinabuhi sa tawo, atong masaksihan ang Dios. Sa Job 23:13 gi ingon, ANG DIOS USA ANG HUNAHUNA ug WALAY MAKABALI NIINI, ug UNSA ANG GITINGUHA SA IYANG KALAG MAOY IYANG PAGATUMANON.
Ang Dios isip espiritu aduna usab balaanong emosyon o “HOLY EMOTIONS” kay ato man nga mabasa nga siya nahigugma kanato ug malipay sa atong patuman sa Iyang kabubut-on. Sa Zephaniah 3:17 17, nasulat nga ang Dios nga ania sa atong taliwala bangiitan nga moluwas kanato, ug Siya nagmaya nga nagtan-aw kanato ug Siya mopahulay diha sa Iyang gugma kanato ug Siya maga-awit sa kalipay diha kanato.
Ang DIOS ESPIRITU! Ug niini sa Iyang pagka espiritu anaa ang MALE ug FEMALE CHARACTER. Pasabot nga isip espiritu ang DIOS nagapanglihok diha sa HINIUSA nga character sa hiyas sa babaye ug hiyas sa lalake, o SPIRIT o espiritu ug SOUL o kalag.
Kini nga pagkahiusa sa SPIRIT ug SOUL, mao ang “spiritual nature of Christ” o “the divine nature of Christ.” Sa John 10:30 si Ginoong Jesus mi ingon: ” I AND MY FATHER ARE ONE.” Pasabot nga ako ug ang akong Amahan usa ra. Busa kon unsa ang Dios Amahan, mao usab ang Dios Anak. Nahitabo man nga ang Dios Amahan ESPIRITU, busa ang Dios Anak diay usab ESPIRITU. Laktod pagkasult, ang balaanong kinaiya usab o character ni Ginoong Jesus anaa NAHIUSA usab ang hiyas sa babaye ug sa lalake.
Atong mabasa sa Balaang Kasulatan nga si Ginoong Jesus nibati sa kaluoy sa tawo nga bakul ug dili makalakaw nga sobra na 3o ka tuig nga naghulat sa iyang ka-ayohan kilid sa pasung sa tubig sa Bethsaida. Ug tungod sa kalouy Iyang gibanhaw si Lazarus gikan sa kamatayon. Lantip ang Iyang panghuna-huna ug hilabihan ang Iyang ka-alam sa iyang pagpanudlo sa mga katawhan ug sa Iyang mga disipolo. Kini nagapakita kanato nga ma-anaa diay kaniya ang hiyas sa babaye sama sa gugma ug kalouy ug ka-alam. Gani sa mga taas ug salabotan kita nasayud nga ang “WISDOM” of ka-alam gisimbolo man sa usa ka BABAYE.
Sa samang pa-agi ang Iyang hiyas isip lalake usab diha sa espiritu atong makita sa Iyang dili mabali nga determinsayon sa pagbuhat sa kabubut-on sa Dios didto sa Kalbaryo. Ang kinaiya sa Dios nga ETERNAL, IMMORTAL ug INVISIBLE nadayag sa diha nga si Ginoong Jesus nabanhaw gikan sa mga patay. Iyang gipakita kanato nga ang lubnganan walay gahum batuk sa BALAANG KINABUHI sa Dios nga ma-anaa Kaniya.
Kon kita mo balik pagbasa sa Genesis 1:26, nagaingon ang Balaang Kasulatan nga ang Dios naghimo ug TAWO nga sama gayud sa Iyang bayho ug imahe. Kinsa man kini nga tawo ang gihimo sa Dios nga sama gayud Kaniya.
Sa 2 Corinthians 4:4, si KRISTO mao ang Imahe sa Dios. Ug sa Hebrews 1:3, Siya mao ang representasyon sa Iyang pagka-Dios, ug sa Colossians 1:15, ang MAKITA NGA IMAHE sa dili makita nga Dios.
Sumala sa Juan 4:24, ang Dios ESPIRITU. Kon si Kristo gibuhat sa Dios nga sama gayud Kaniya, atong masabot nga ang TAWO nga gibuhat sa Dios sa Genesis 1:26 nga mao si KRISTO, espiritu usab ug dili makita. Dili si Adan, kon dili si KRISTO ang tawo nga gibuhat sa Dios sa Genesis 1:26. Ug tungod kay gihimo man Siya nga sama gayud sa Dios nga espiritu, si Kristo espiritu usab.
Sa Colossians 2:10, kita gihimo diha kang KRISTO. Kon si Kristo nga gibuhat sama sa imahe sa Dios nga Espritu ug kita gihimo diha ni Kristo, kita diay usab, matag usa kanato igsoon, ESPIRITU usab! Isip Espiritu ikaw ug ako Eternal, Immortal ug Invisible. Mao kini ang gahi nga kamatuoran nga dili gayud matuis nga nasulat sa Balaang Kasulatan nga sa dugay nang panahon gitaguan apan karun gipadayag na sa Dios pina-agi sa Iyang bugtong anak nga si Jesukristo.
Kon ikaw ug ako igsoon Espiritu, sa atoa pa ako ug ikaw dili mamatay ug matun-as, dili masakit ug dili makita. Makapangutana kita: Ngano man lagi ang tawo mamatay man, masakit man ug makita man?
Kini atong pagatuki-on sa Part III niini nga sinulat.
Bag-o ug sahi nga pagpadayag sa Iyang pulong ang imo karun nga nadawat igsoon, ablihi lang ang imong panabot ug huna-huna ug tuguti ang dan-ag sa kahayag sa huna-huna sa Dios, aron imong ma-angkon ang kagawasan sa gapos sa sayop ug ngit-ngit nga huna-huna sa tawo. Kini nga kamatuoran makapalingkawas kanimo gikan sa daan ug walay direksyon nga pagkinabuhi. Anaa kanimo karon ang pagpili igsoon, kon mopadayon ba ikaw sa pagtugkad sa kamatuoran sa tinuoray nato nga pagka-kita diha sa Dios, o mobalik ug magpabilin ikaw sa imong nga na-andan nga pagtuo. Ang imong desisyon niinig butanga maoy maglatid sa dagan sa imong kinabuhi, sugod karun.
Ang Dios magapanalangin kanatong tanan.
– Pagasumpayan Pa –
February 6, 2017 (Bogo City, Cebu, Philippines)
Leave a Reply